Sex Pistols најавуваат албум за 2009 година

Легендите на панкот, Sex Pistols најавуват дека во 2009 година ќе снимат албум и ќе се вратат на сцената со турнеја. Британските панкери не се собрале заедно од 1996 година кога одржаа неколку концерти, но не снимија нов албум. Нивниот прв басист Glen Matlock, кој во најславните денови на бендот го замени Sid Vicious изјави дека момците од бендот планираат да снимат нови песни.



- Враќање на Sex Pistols? Зошто да не, разговарав со Johnny Rotten, желни сме повторно да влеземе во студио. Сега сите сме возрасни и имаме доволно искуство кое ќе го преточиме во музика. Енергијата која ја апсорбирав во минатото ќе ја истрошам на нашите нови песни – рече Matlocк.

Татковците на панкот имаат издадено само еден студиски албум "Never Mind the Bollocks, Here's the Sex Pistols" на 28 октомври 1977 година. Тој албум е темелот на панк музиката во светот која беше критикувана од британската влада и политичарите во светот поради анархијата која ја величеа Sex Pistols. Сепак и покрај големите притисоци "Never Mind the Bollocks, Here's the Sex Pistols" беше најпродаван албум во Британија.