Елена Ристеска утре на самостоен концерт

by najforumce Чет Дек 18 2008, 23:47

Утре во „Метрополис арена“ прв самостоен концерт на Елена Ристеска. Точно шест години Елена е на сцената, со победата на шоуто за „Потрага по нови ѕвезди“. Во интервју за А1, незиниот продуцент Иво Јанковски, открива дел од деталите.

Подготвена ли е Елена за еден ваков предизвик?

- Да, Елена е во топ форма, Елена и бендот се во топ форма, сите гости се стигнати, целата атмосфера во „Метрополис“ арената е одлична и навистина сите едвај чекаме да почне концертот кој ќе се одржи утревечер, со почеток во 20 часот.

Во својата професионална кариера имаше можност да работиш со големи имиња од македонската музичка сцена, како што се групите „Леб и сол“, „Анастасија“, Влатко Стефановски, Кирил Џајковски, Вања Лазарова... И што мислиш, дали ние во Македонија можеме да создадеме бренд и дали можеме да ги одржиме тие брендови понатаму да творат.

- Создавањето брендови, во секоја бранша, па и во музиката и во уметноста, е навистина еден долг и макотрпен процес кој бара огромни жртви. За жал, во Македонија, со оглед на тоа колку мала држава сме, брендовите се создаваат многу ретко, инциденти и многу често се работи исклучиво за индивидуалци, кои се ретки таленти или имаат драстично отскокнување од просекот во средината во којашто живеат, па заради својот врвен квалитет стануваат одреден бренд, прво во земјата, а потоа и пошироко.

Се разбира дека можеме, доколку сите заедно, создавањето на брендовите и негувањето на брендовите го третираме како своја должност, но и гордост, бидејќи многу често кога некој ќе успее, ние дури потоа се сеќаваме дека тој е Македонец, па дека тоа е наш човек и дека го познаваме итн.

Тоа е навистина нешто за што треба да го смениме, сметам, колективното мислење и колективниот начин на создавање и негување на брендовите бидејќи тие се единствени кои не афирмираат во светот.

Извор: А1