Компјутерски визуализиран ликот на Клеопатра

by najforumce Сре Дек 17 2008, 23:33

Првата тридимензионална компјутерска слика на Клеопатра ја претставија египтолозите од универзитетот „Кембриџ“, Велика Британија. Ова е досега најреално претставување на египетската кралица, плод на едногодишно научно истражување. Се темели на анализа на разни артефакти со нејзиниот лик, меѓу кои и прстенот од времето на нејзиното владеење, пред 2.000 години.

Конечниот резултат е жена со мешана етничка припадност, многу различна од претставата што за Клеопатра ја создадоа актерките Елизабет Тејлор и Софија Лорен. За разлика од холивудските филмови, паричката со нејзиниот лик, која лани беше изложена во музејот „Сефтон“ во Њукасл, ја прикажува Клеопатра како жена со ниско чело и шилеста брада, а на опачината Марк Антониј е портретиран со испакнати очи и со широк врат.

- Клеопатра не била во целост Европејка. Нејзиното семејство живеело во Египет 300 години пред таа да дојде на власт - објаснила Сали Ен Ештон, раководителка на тимот, додавајќи дека снимката што ќе биде претставена во документарецот за Клеопатра, кој е во фаза на подготовка, ги одразува нејзиното потекло и староегипетското воспитување.

- Римските писатели велат дека најпознатата египетска кралица била интелигентна и харизматична и оти имала заводлив глас. Меѓутоа воопшто не ја споменуваат нејзината убавина - рекла Ештон.

Извор: НоваМакедонија