Хуанде Рамос нов тренер на Реал Мадрид

Хуанде Рамос е новиот тренер на Реал Мадрид, откако Бернд Шустер доби отказ по слабите резултати. Се очекува Рамос официјално да биде претставен денеска и да го води тренингот на "кралскиот клуб". Шустер доби отказ по поразот од Севилја на "Сантијаго Бернабе" со 3-4 и предноста на лидерот Барселона од 9 бода.



Спортскиот директор на Реал, Предраг Мијатовиќ по поразот од Севилја му предложил на претседателот Рамон Калдерон, Шустер да биде отпуштен, а на негово место да го ангажираат Хуанде Рамос.

- По неуспешниот обид со Тотенхем, Рамос сигурно ќе се обиде да го поправи угледот со Реал Мадрид. Тој е одличен тренер и сигурни сме дека брзо ќе го извади нашиот клуб од кризата – соопштија официјалните лица на "кралскиот клуб".