За Владо Бучковски 3,6 години затвор

Поранешниот министер за одбрана и бивш премиер, Владо Бучковски, доби 3 години и 6 месеци затворска казна, согласно одлуката на Основиот суд во Скопје, обвинет во процесот “Резервни тенковски делови“.



Иста пресуда беше изречена и за генералот Методиј Стамболиски, додека Ацо Ѓурчевски и Нелко Менкиновски добија казна затвор од три години. Бучковски по објавувањето на пресудата, одлуката на Судот ја оцени како скандалозна.

“Ние правната битка ја добивме во судницата. Во изминатите 13 месеци докажавме дека јас и другите обвинети сме невини, но очигледно коректноста на судијата беше скршена во последните неколку денови. Оваа скандалозна одлука само покажа дека судските одлуки се носат надвор од оваа судка зграда“, изјави Бучковски.
Обвинителството го товареше поранешниот премиер на Македонија дека заедно со генералот Стамболиски, директорот на МЗТ ФОП, Петковски, и вработените во одбраната, Ѓурчевски и Менкиновски, дека со набавката на резервните делови го оштетиле државниот буџет за повеќе од 2,4 милиони евра.

Извор: Netpress