Македонија е ризична за интернет трговија

Во развиениот свет, се' што ќе посакате можете да купите преку Интернет. Од книги, цедеа, најнови софтверски решенија, лекови, козметика, облека, па дури и лесни видови дрога. На истиот начин можат да се платат сметки за вода, струја, парно. Може да комуницирате и со државни институции, избегнувајќи ги долгите редици пред шалтерите, па така преку Интернет можат да се платат таксите за добивање на потребните документи, изводи од матични книги на родените, поседовни листови, катастарски скици... Преку Интернет можете дури и да си резервирате место за паркинг на вашиот автомобил и да го платите преку мобилен телефон. Овој вид бизнис со „светлосна брзина“ се шири и во регионот. Хрватска во текот на 2007 година остварила профит од над 700 милиони долари преку ваквиот вид трговија, а се проценува дека до 2009 година бројката ќе достигне 1 милијарда долари. Слична е ситуација и во Србија. Ваквиот бизнис многумина го нарекуваат нов вид злато - наречен сајбер-злато.....