Италијански општини заработувале со наштелувани семафори

by najforumce Саб Сеп 20 2008, 03:57

Неколку италијански општини се најдоа на мета на државното обвинителство поради манипулирање со семафорите а со цел наплата на казни од возачите.

Благодарение на наштелуваните семафори, на кои жолтото светло траело само една секунда, после кое се вклучувало црвеното, стотина недолжни возачи морале да платат казна откако камерите ги снимиле дека поминале на црвено светло. Државното обвинителство во Милано покренало истрага и против претпријатието кое ги произведува семафорите.

Запленети се семафори од 16 италијански градови меѓу кое е и Рим, а против 21 лица се подигнати обвиненија за измама.

Државното обвинителство се сомнева во противправни договори помеѓу производителот и општините кои со казните планираат да го полнат својот буџет.

Истрагата е поведена откако десеттина возачи се жалеле дека се казнети поради нелогичната работа на семафорите.