Се покренува проект за сателитски интернет за земјите во развој

by najforumce Пон Сеп 15 2008, 01:10

Проект за евтин сателитски интернет започнаа вчера Гугл, Либерти Глобал и ХСБЦ под името O3b Networks, за да им овозможат пристап на интернет на жителите на земјите во развој кои инаку немаат изгледи да добијат пристап до брз интернет.

Градбата на сателитот е доверена на една француско-италијанска компанија - Thales Alenia Space. "Развиените земји, најповеќе оние на северната полутопка, користат развиена подморска кабелска мрежа. Градбата на кабелските мрежи во многу земји во развој комерцијално не е исплатлива и е тешко изводлива", истакнува O3b во своето соопштение.

Според таа компанија, понудениот систем ќе овозможи "сателитски пристап на интернет по цена која е приближна со цената на кабелскиот интернет во развиените земји".