Караџиќ уапсен во градски автобус во Белград

by najforumce Вто Jул 22 2008, 17:44

Адвокатот Светозар Вујачиќ, изјавил дека Радован Караџиќ, во сослушувањетго пред истражен судија, ноќеска, рекол оти бил уапсен во петокот навечер, во автобус на градскиот превоз во Белград.

“Уапсен бев во петокот околу 21.30 часот, во автобус на градскиот превоз, на линијата од Нов Белград до Батајница“, рекол Караџиќ, тврди неговиот адвокат.

Вујачиќ додал дека Караџиќ по апсењето бил однесен во притвор во “некоја соба“, каде бил држен се до вчеравечер.
“Судијата Милан Дилпариќ, кога го чу ова, рече дека е многу изненаден, и најави дека детално ќе бидат испитани тврдењата на Караџиќ. Во текот на апсењето на Караџиќ му била ставена ’некаква шапка на главата’, поради што незнае кој го упасил. Пред истражниот судија Караџиќ се бранеше со молчење. Тој само рече дека целиот случај го оценува како фарса“, изјавил адвокатот Вујачиќ пред српските новинари.

Тој додал дека Караџиќ во притвор одбил да јаде, но дека е целосно смирен и сталожен. Бил прегледан од лекар, кој констатирал дека уапсениот е здрав. Според адвокатот, Караџиќ ќе биде во притворската единица во Специјалниот суд се' до екстрадирањето во Хашкиот трибунал.

Медиумите пак со различни верзии каде и кога бил уапсен најпознатиот хашки бегалец. Некои црногорски медиуми објавија дека Караџиќ бил уапсен вчера околу 19 часот во приватен стан. Агенцијата “Ројтерс“ објави информација, од неименуван извор близок до српската влада, дека Караџиќ е уапсен во Белград. Повикувајќи се на својот извор, “Ројтерс“ наведува дека некогашниот лидер на босанските Срби неколку недели бил под присмотра, по дојава на информација од странска разузнувачка служба. Француската агенција АФП, повикувајќи се на извор близок на Специјалниот суд во Белград, објави дека Караџиќ е уапсен во Србија. АФП понатака во својата информација вели дека, “според извор близок на тајните служби на Србија, Караџиќ воопшто не пружил отпор при апсењето и дека бил во депресивна состојба“.

Извор: Нетпрес