Рaзочарувачки одговори од британците во анкета со прашања од општа култура

by najforumce Вто Jул 01 2008, 03:08

Како се вика Шекспир? Кој е главен град на Шведска? Која планета е најблиску до сонцето? Кога започнала Втората светска војна?

Одговорите на овие, но и на многу други лесни прашања, ги знаат и децата во основно училиште, но не и поголем дел на возрасни британци, ако се суди по анкетата која била спроведена на 2.000 луѓе.

Од анкетираните само 5 проценти точно одговориле на сите 10 прашања. Ваквите поразителни резултати никако не одат во прилог на британскиот образовен систем, кој е се повеќе на мета на критичарите. Просечниот број на точни одговори бил 6.

На прашањето кој е главен град на Шведска, грешно одговориле 58 проценти од испитаниците, а името на славниот Шекспир не го знаеле 12 проценти.

Во анкетата биле понудени прашања од учебник од кој учат деца на возраст од 7 до 11 години.

Составувачите на анкетата се разочарани од резултатите бидејќи не очекувале толку низок степен на знаење кај возрасните граѓани и тоа на прашања кои ги учат деца во пониските одделенија во основните школи.