Владиниот потег за бесплатен интернет

Моментално се реализира проектот „Македонија земја на информатичарите“.
Има гага dial up, но како што се натрупуваат корисници не може да се конектирате така лесно.

Што мислите за потегов на владава?

Добар и паметен потег, но мотово на кампањата никако не ми оди со реалноста, ниту пак со иднината.
Во кампањата инаку спаѓа и бесплатна едукација за сите кои не знаат „шо е тоа компјутор“, дозвола за зголемена квота на студенти по информатика, стипендии за идни студенти по информатика (мислам 5000 денари дека се, ама нема врска). Каква таква, нешто се прави.

Владата сакаше да отвори и Министерство за Информатика, не знам дали се случи такво нешто. Дали на Македонија и треба вакво министерство, и која би била неговата улога ? Јас мислам дека да, бидејќи на граѓаните на Република Македонија им треба стимулација за помасовно користење на Интернет (инаку 30 % од населението користи, 50 % имаат дома компјутер). Треба некој и да ги советува и поддржува факултетите во врска со новите кадри по информатика - дали да се зголеми квотата, кон што да се насочат студентите, што се бара на пазарот итн. Можеби би требало и да се најде начин за ефективно справување со пиратеријата - ова мислам дека е најтешко за остварување, бидејќи на сите ни е убаво со гага Windows, 100 денари за CD, кракче за секое програмче и слично. Тешко дека македонштината вековна ќе се научи да плаќа за нечиј софтверски труд. Мотото на кампањата подобро би било :
Македонија - земја на „слободниот“ софтвер