Легендарните моторцикли МЗ одат во историја

by najforumce Пон Јун 09 2008, 15:11

Германската фабрика за моторцикли „МЗ“ (Motorwerke Zschopau), која од 1922 година произведува морорцикли, ќе биде затворена до крајот на 2008 година.

Фабриката од 1996 година е во мнозинска сопственост на „Hong Leong Industries“ од Малезија а нивната управа вели дека МЗ прави само загуби.

Фабриката би требала да биде затворена до 31 декември, пишуваат германските весници кои додаваат дека таква одлука се очекувала веќе подолго време. Без работа ќе останат околу 40 работници од германската фабрика.

МЗ е една од најстарите фабрики за производство на моторцикли во светот која произведувала и за време на Втората светска војна, а за време на поделбата на Германија погоните беа сместени во тогашната ДДР. Моментално единствена марка на моторцикли кои се произведуваат во Германија е БМВ.