Една храбра Канаѓанка откако видела како еден планински лав скокнал на нејзината ќерка и почнал да ја напаѓа, се фрлила врз ѕверката, го оттргнала од својата ќерка и и’ го спасила животот.



Девојчето од нападот на планинскиот лав за среќа поминало само со површински повреди. Нападот се случил во градот Брекендлеј, на 50-тина километри од Ванкувер. Мажјакот лав, одговорен за нападот на девојчето го пронашле и застрелале шумските ренџери, а таткото на девојчето, Пабло Спиноза, кажал за медиумите дека неговата ќерка мислела дека тоа е само голема мачка што сака да си игра.

“Зашто мачката не сакаше да си игра? – го прашала Маја својот татко откако ја нападнал лавот. Со неa шетaла нејзината мајка која изјавила дека лавот одеднаш скокнал врз неа и ја бутнал на земја. “Лежеше на грб, а лавот со шепите ја држеше за глава. Знаев дека мора одма да реагирам.“- рекла нејзината мајка Маурин Ли.

Животното го оттргнала од својата ќерка, и потоа го зграпчила детето и избегала. Девојчето од нападот има рани од канџите на главата и левата рака, но многу добро се опоравува и ниту една од тие повреди не е сериозна. Во последнита 10 дена на споменатото подрачје се случиле повеќе од 30 блиски средби на луѓе и планински лавови.