(втор дел од трансферот на Ѕверо)

Веднаш по ставениот потпис, талентираниот фудбалер имаше обврска да се појави во градот каде ќе ги учи другите што е фудбал. Бидејќи се уште немаше добиено одговор каков тип на јамболија може да стави во аудито што ќе го добие од клубот, Ѕверо пристигна со приватен лет.

На доаѓањето на Сантијаго Бернабе сите го поздравија Ѕверо. Патуваше со клубскиот автобус, кој специјално за оваа прилика беше направен кабриолет, за да може Ѕверо да мафта со рацете. Бурно пречекан, со овации и воздишки новиот херој стигна во Мадрид. Не е тоа времето на големите супер ѕвезди од типот на Зидан, Бекам, Роберто Карлос или Фиго, но е некое ново време, време на Ѕверо.

Дресови, патики, тренерки... се е во знакот на бројот 156. Тоа е број кој самиот го одбра, заради една симболика. Толку натпревари му беа потребни за да го постигне првиот гол во првенството во претходниот клуб, во силната лига на Турумбурумѕузбеџикистан, за тимот кој одлично е пласиран, на 7-ма позиција на табелата со реални шанси за пласман на 4-тата и пласман во Интертото купот. Пред фактите и боговите молчат, затоа Ѕверо сега е во белиот дрес на Реал.

Само еден час по пристигнувањето, Ѕверо веќе требаше да се појави на тренинг. Неколку контакти со топката и веднаш реакција од тренерот.

Тој е толку добар што не мора да оди на тренинг, освен во петок, кога се подготвува формацијата за саботниот или неделниот дуел. Реагираа сите фудбалери на оваа одлука, но се појави балканскиот бос, со залижана фризура и пура во рацете.

Рече: Да, така ќе биде. Пeро ќе доаѓа на тренинг само во петок. Другите денови нека проверува Facebook… Зверо има многу фанови, нема лабаво...