“Фините дами“ полесно до брак

by **GBL** Пон Мар 15 2010, 20:29

Жени кои први приоѓаат и кои се веднаш расположени за сексуални игри - да, мажите тоа го сакаат, но како авантура за една вечер или додека фантазираат. За брак одбираат поинакви жени, тврди Лиса Дејли, стручњак за врски и авторка на книгата “Stop getting dumped!“.

“Фините дами“ полесно до брак Howtogetmarried455

“Фините дами“ полесно до брак Howtogetmarried455

Таа во своите истражувања интервјуирала голем број на мажи и ги извела следниве заклучоци, кои се надеваме дека ќе ви помогнат што побрзо да го изговорите судбоносното “да“.

Не заборавајте на своите потреби

Мажот ужива во љубовта, нежностите и вниманието кое жената му го посветува, но тоа не значи дека поради тоа таа треба да заборави на себе си. Мажите сакаат и нивната партнерка да има свој живот, да внимава на својот изглед, да има успешна кариера, исполнет социјален живот и желба за забава и уживање. Затоа жени, не заборавајте на себе си, туку живејте исполнет живот без разлика дали имате или немате маж покрај себе.

Бидете плен, не ловец

Многу полемики и истражувања се посветени на тоа кој всушност треба да пријде прв но вистината е, како што и самите мажи тврдат, дека тие сакаат да ги “ловат“ жените и тоа нема изгледи да се промени. Лиса Дејли смета дека жените никогаш не треба да го прават првиот чекор, затоа што ако жената е онаа која “лови“, тогаш таа нема да знае дали му се допаѓа на мажот или тој само од пристојност не ја одбива.

“Фините дами“ полесно до брак Howtogetmarried455-2

“Фините дами“ полесно до брак Howtogetmarried455-2

Бидете фина и културна дама

На почетокот на врската, додека парот се запознава, жената не треба да биде вулгарна и непристојна. Тоа е дозволено дури откако ќе помине извесно време, односно откако партнерите подобро ќе се запознаат. Лиса тврди дека и допирите на јавно место се недозволени на почетокот од врската. Нив може да ги практикувате дури откако вистински ќе се зближите. Но, и тогаш треба да бидете дискретни.

Почекајте со сексот

Не до првата брачна ноќ, но секако не и веднаш на почетокот од врската. Дејли препорачува во сексуални односи да се впуштите кога ќе помине барем еден месец од почетокот на врската, затоа што стапувањето во сексуални односи е значаен чекор во односнот на двајца луѓе со кој трајно се менува текот на врската.