Челзи се соочува со голманска криза, Трнбул ќе брани против Вест Хем

Карло Анчелоти потврди дека голман Рос Трнбул ќе дебитира во Премиер Лигата против Вест Хем откако се повреди и Хиларио.






Третиот голман на Челзи Трнбул, кој пристигна од Мидлзборо, ќе настапи на дуелот со Чеканите откако Хиларио заработи повреда на препоните.

Карло Анчелоти од претходно не може да смета на услугите на Петр Чех, кој се повреди на дуелот со Интер.

Стратегот на Челзи денеска потврди дека сеуште не се знае дали Чех или пак Хиларио ќе се опорават за вторник и реванш дуелот со Нероаѕурите па постојат шанси Трнбул да биде помеѓу стативите и за дуелот со шампионот на Италија.

“Хиларио нема да може да настапи утре, па на голот ќе го имаме Трнбул.” – рече Анчелоти.

“Не знаеме дали Хиларио или Петр ќе бидат подговени за дуелот во вторник (против Интер во Лигата на Шампионите).”


“Чех работи со физиотерапефтите. Тој не тренираше на теренот па тешко е да се опорави на време за дуелот со Интер.“

“Хиларио се повреди на дуелот со Стоук и не можеше да тренира оваа недела. На клупата ќе го имаме Рис Тејлор, нашиот млад голман од резервниот тим.“

“Но јас не сум загрижен премногу, перформансите на тимот не зависат многу од голманот. Не сакам да кажам дека можеме да играме без голман, бидејќи голманот е важен играч, но јас имам доверба во Трнбул.“

“Тој нема многу настапи оваа сезона но со работата со тренерот на голманите тој се подобри многу.“

“Немам никаков проблем да играм со Трнбул против Интер.“

За дуелот со Вест Хем, Анчелоти нема да може да смета на дефанзивецот Рикардо Карваљо, но Португалецот ќе биде подготвен за дуелот со Интер.