Иванов: Државниот врв останува на својот став за спорот со името

by **GBL** Вто Фед 09 2010, 17:22

Македонскиот државен врв е во постојана координација во врска со ставот за името и тој став му е соопштен на амбасадорот во САД и македонскиот преговарач во спорот за името, Зоран Јолевски.

Иванов: Државниот врв останува на својот став за спорот со името Get

Иванов: Државниот врв останува на својот став за спорот со името Get

Ова денеска го изјави македонскиот претседател Ѓорѓе Иванов запрашан дали македонските власти имаат усогласен став непосредно пред доаѓањето на медијаторот Метју Нимиц кој ќе пристигне во земјава на 23 февруари.
Не можеме да предвидиме дали и со каков предлог ќе дојде медијаторот Нимиц но очекуваме дека ќе дојде со некое укажување бидејќи е добро запознаен со позициите и на македонската и на грчката страна-рече Иванов.
Претседателот Иванов уште еднаш потврди дека државниот врв има утврдено државна стратегија од која не планира да отстапи.
Медијаторот Нимиц доаѓа во земјава по покана на македонските власти испратена преку министерството за надворешни работи, потврдија денеска од македонското МНР.
Засега се уште е неизвесно дали медијаторот ќе одржи заедничка или одделна средба со претставниците на државниот врв. Се уште не се знае датумот на пристигнувањето на Нимиц во Атина.