Се продава куќа со вклучени духови во цената!

by **GBL** Вто Фед 09 2010, 15:13

Американката Марта Рихтен продава куќа изградена во 1901 година на канадскиот остров Волф во Онтарио, за која вели дека е “опседната со духови“. Како што вели таа, од кога прв пат се вселила во куќата, веднаш осетила позитивна енергија.

[You must be registered and logged in to see this image.]

“Во неа никогаш не се осеќав осамена. Често знаев да чујам чекори, а кога синот ми беше мал секој пат кога ќе поминев покрај бањата тој ја затвараше вратата. Еднаш го прашав зашто го прави тоа, кажувајќи ми дека внатре гледа три старици“, тврди сопственичката на куќата, која верува дека нејзиниот дом е опседнат.

Од време на време таа слуша звуци како некој во работнички чизми да оди, влечејќи ги нозете или пак звукови од тешки предмети кои паѓаат и тоа кога таа знае дека е сосема сама. Од време на време вратата ќе се отвори сама од себе или наутро ќе најде запалено светло иако знае дека ноќта претходно уредно ги изгаснала.

Една вечер околу полноќ Марта ја пробудил звук од нешто скршено на главниот влез на првиот кат. Се стрчала да види што се случило и приметила како осетлива фигура на ангел, која висела на ѕидот добро прицврстена, паднала на подот.

За работите да бидат поинтересн, фигурата ангел не се скршила ниту пак имала некакво оштетување на неа. Таа вели дека одамна веќе ваквите настани не ги вознемируваат. Се навикнале на духовите во својот дом и речиси повеќе и не обрнуваат внимание на необичните работи кои се случуваат внатре или надвор од нивниот дом.

Во една прилика ги посетиле пријатели и одлучиле да преспијат во камп куќичката која се наоѓа во задното двориште. Штотуку заспале, кога приколката почнала силно да се тресе напред,назад иако ноќта била мирна и без нималку ветер.

Но, сето набројано не е причината поради која таа ја продава својата куќа, чија проценета вредност изнесува 1,9 милиони американски долари. Последните 6 години ја претвориле во семеен хотел, но сега сака да се повлече во пензија и да живее во помала куќа.

Гостите чуле за пријателските духови во куќата и се надеваат дека и тие ќе доживеат слично искуство, тврди сопственичката: “Некои велат дека се чувствува нешто чудно, но ако не сте осетливи на такви работи ни овде нема да доживеете ништо“.

Но, нејзиниот сопруг вели дека тој не верува во приказната дека куќата е опседната со духови, иако во една прилика за време на едно мирно утро кога тој сакал да ги повика новинаритем, тој не успеал бидејќи линијата пукнала и се осеќал статистички електрицитет.