Докторот на Мајкл Џексон обвинет за убиство без умисла

by **GBL** Сре Фед 03 2010, 15:46

Личниот доктор на поп - ѕвездата Мајкл Џексон ќе биде обвинет за убиство без умисла, јавија светските медиуми.

[You must be registered and logged in to see this image.]

Доктор Конрад Муреј реши да се предаде на властите и да биде изведен пред истражен судија, изјави неговиот адвокат Едвард Чернов.

Тој потенцираше дека Муреј воопшто не се крие и дека е подготвен да се појави пред истражен судија кој, според изнесените докази, ќе утврди дали Муреј треба да биде обвинет и подложен на судење.

Патологот кој изврши преглед на телото на Мајкл Џексон како причина за смртта наведе убиство, односно труење со голема количина на анестетик пропофол.

Оваа супстанца создава зависност и се внесува интравенозно, а најчесто како терапија се дава во болнички, а не во домашни услови, соопштил патологот. Тој потврдил дека во телото на Џексон бил најден и коктел од други лекови како лоразепам и валиум.

Муреј се брани дека не му препишал на Мајкл Џексон ништо што би можело да го убие.

Мајкл Џексон замина во легендите на 25 јуни минатата година.