Казнет оти ловел риба на погрешна страна од реката

by **GBL** Саб Јан 30 2010, 16:18

Германскиот суд му изрече казна од 750 евра на еден француски рибар бидејќи уловил пет риби на погрешната страна од реката Рајна, пренесуваат француските медиуми.

[You must be registered and logged in to see this image.]

Рибарот со својот чамец и прибор ја минал неколку метри граничната линија, кога го затекнала германската речна бригада и му побарала германска дозвола за риболов.

Бидејќи рибарот поседувал само француска дозвола, германската полиција му ја запленила сета опрема и го предала на суд во градот Офенбург.

Судот заклучил дека речните граници постојат и дека никој не смее да го игнорира законот, поради што на францускиот рибар му е изречена казна од 750 евра.

Не е прецизирано дали уловените риби имале германско или француско државјанство, иронизираат француските медиуми.