Нови судски процеси по смртта на Тоше

by najforumce Пон Фед 02 2009, 16:14

Ракометарката Андријана Будимир го достави на судот својот мобилен телефон во кој се наоѓаат СМС пораки, кои наводно јасно откриваат во каков однос била таа со Тоше Проески.

Последната девојка на прерано починатиот Тоше се суди со неговата менаџерката, Љиљана Петровиќ, која навремето изјавила дека е лага дека Тоше своите последни СМС пораки и ги испратил на Андријана Будимир. Андријана Будимир потоа ја тужеше менаџерката за клевета. И, додека судскиот процес е во тек, Андријана му го достави на судот својот мобилен телефон во кој се наоѓаат околу 200 СМС пораки, кои откриваат во каков однос таа била со Тоше – пренесува списанието Екстра.

Не ја тужев Љиљана Петровиќ заради парите, туку да докажам дека лаже. Таа жена ми го уништи животот, па луѓето прашуваат дали јас навистина бев во врска со него, или не – изјави Андријана, која не се сомнева дека ќе го добие спорот. Таа планира обештетување да го даде за деца без родители.

Извор: Форум