Д Ху во живо на „Супер боул“

by **GBL** Сре Фед 03 2010, 16:36

Во недела Д Ху ќе го одржат својот помпезно најавуван кам-бек за време на полувремето на американскиот спортски спектакл Супер Боул, а (она што остана од) овие рок легенди во престижниот термин ќе исвират микс на своите најголеми хитови во траење од 12 минути.

Д Ху во живо на „Супер боул“ Who-455

наку традиционално овие 12 минути за време на паузата од финалето на сезоната во американски фудбал (NFL) се резервирани само за најголемите ѕвезди и во Америка се познати како еден од најисчекуваните и најгледаните музички настани во годината, а настанот ќе биде пренесуван во 230 земји (меѓу кои нормално, не е Македонија) - што за Ху после Live8 ќе биде можеби најголемиот настап во подолгата историја, или ајде, најмасовно гледаниот - сепак момциве свиреле на Вудсток Smile

.

Кога сме кај Вудсток, интересен беше написот на Дејвид Гилмор од Пинк Флојд по повод 40-годишнината од концертот, на неговиот блог во кој меѓу другото напиша: „На Вудсток беа исвирени 200 песни, од кои Роџер Далтри испеа 24“.

Д Ху во живо на „Супер боул“ Who-v

Освен тоа, паралелно со настапот Д Ху издаваат и колекција на своите најголеми хитови, која на два диска ќе биде пуштена во продажба на 8. февруари под името Greatest Hits / Greatest Hits Live.

Оригиналната постава на групата ја сочинуваа гитаристот Пит Таунсхенд, басистот Џон Ентвисл, тапанарот Кит Мун и вокалистот Роџер Далтри. Мун почина на 32 годишна возраст во 1978. а Џон Ентвисл го предаде мечот во јуни 2002. Живите Далтри и Таунсхенд може да ги гледате во недела на принцип „снаоѓај се кој како знае“.

А сега, посластица за нивните љубители и потсетување за оние кои мислат дека немаат поим кои се момциве, со само една од многуте химни кои ги отсвирале низ годините - „Баба О'Рајли“ (за овие вторите: да, на CSI сте ја слушнале песнава - всушност, сите најавни шпици за CSI Мајами, Њујорк и Лас Вегас се со песни на Ху).

п.с. Who's On Stage? Smile