Мистериозниот италијански број почна да ѕвони и во Македонија

by najforumce Пон Фед 02 2009, 22:41

Мистериозниот телефонски број од Италија кој успеа да ограби и до 2000 евра од еден претплатник на мобилен телефон во Хрватска, почна да ѕвони и во Македонија. По веќе добро разработената шема, на мобилниот телефон се добива повик од бројот 393 19 32 600 45 на кој не може да се одговори, а доколку се заврти на истиот потоа веќе не може да се прекине линијата. Резултатот е телефонска сметка од неколку стотоци евра, или како во случајот со хрватскиот државјанин и неколку илјади.

Двете најголеми мобилни мрежи во земјава Космофон и Т- Мобајл се запознаени со случајот и велат дека работат на заштита на нивните корисници иако досега немаат добиена ниту една пријава за гореспомената измама. Од Т- Мобајл велат дека: “Знаат за случајот и ги разгледуваат добиените информации дали и во нивната мрежа имало повици од вакви броеви“.

Од Космофон со сличен став објаснуваат дека: “Ги следат светските случувања на ова поле и соодветно и превентивно реагираат во вакви случаи, односно ги превземаат сите неопходни мерки за заштита на корисниците“.

Иако, е жртва на измама оштетениот хрватски претплатник по се изгледа ќе мора сам да си ја плати сметката. Затоа корисниците на мобилни телефони во Европа веќе испраќаат стотици илјади интернет пораки како знак за претпазливост до потрошувачите.

Освен гореспоменатитиот број, на интернет мрежата има и корисници на мобилни телефони кои тврдат дека добиле повици од слични броеви но со различен префикс на земјата. Познавачите повикуваат на претпазливост бидејќи нема никаква пречка измамата да се изврши со било кој меѓународен префикс пред спорниот број.

Извор: Алфа ТВ